Vatnsdeigsbollur

Hitið ofninn í 180°C.

Blandið hveiti, lyftidufti og salti saman í skál og leggið til hliðar.

Pískið eggin í skál, vigtið og geymið. Ef eggin eru lítil gæti þurft aðeins meira en 3 egg.

Hitið vatn og smjör saman í potti þar til smjörið bráðnar og leyfið aðeins að sjóða, slökkvið þá á hellunni.

Setjið þurrefnin saman við og hrærið vel þar til „smjörbolla“ myndast.

Færið þá deigið yfir í hrærivélarskálina og hrærið rólega með K-inu þar til mesti hitinn er farinn út því.

Bætið þá eggjunum saman við í nokkrum skömmtum og hrærið áfram saman.

Setjið þá kúfaða matskeið á bökunarpappír fyrir hverja bollu (ég notaði litla ísskeið) og bakið í 30-35 mínútur eða þar til bollurnar verða vel gylltar.

Alls ekki opna ofninn til að kíkja á þær/botninn fyrr en í fyrsta lagi eftir 25 mínútur því þá eru meiri líkur á því að þær falli.

Leyfið bollunum að kólna, skerið þær í sundur og hefjist handa við fyllingarnar.

Berjafylling

Maukið blönduð ber og vanillusykur í matvinnsluvél eða með töfrasprota.

Það er einnig gott að setja eina matskeið af vatni út í ef berjamaukið er of þykkt.

Stífþeytið rjómann og blandið maukuðum berjunum saman við.

Blandið smásaxaða rjómasúkkulaðinu varlega saman við rjómann.

Skerið bollurnar í tvennt, smyrjið berjasultu á botninn, skerið niður jarðarber og bláber og setjið yfir sultuna.

Sprautið berjarjómanum yfir.

Eitt sett töggur krem

Bræðið eitt sett töggur í rjómanum við vægan hita, dýfið lokinu í blönduna og lokið bollunni.

Rífið suðusúkkulaði yfir og skreytið með ferskum berjum eftir smekk.