Vatnsdeigsbollur

Hitið ofninn í 180°C.

Blandið hveiti, lyftidufti og salti saman í skál og leggið til hliðar.

Pískið eggin í skál, vigtið og geymið. Ef eggin eru lítil gæti þurft aðeins meira en 3 egg.

Hitið vatn og smjör saman í potti þar til smjörið bráðnar og leyfið aðeins að sjóða, slökkvið þá á hellunni.

Setjið þurrefnin saman við og hrærið vel þar til „smjörbolla“ myndast.

Færið þá deigið yfir í hrærivélarskálina og hrærið rólega með K-inu þar til mesti hitinn er farinn út því.

Bætið þá eggjunum saman við í nokkrum skömmtum og hrærið áfram saman.

Setjið þá kúfaða matskeið á bökunarpappír fyrir hverja bollu (ég notaði litla ísskeið) og bakið í 30-35 mínútur eða þar til bollurnar verða vel gylltar.

Alls ekki opna ofninn til að kíkja á þær/botninn fyrr en í fyrsta lagi eftir 25 mínútur því þá eru meiri líkur á því að þær falli.

Leyfið bollunum að kólna, skerið þær í sundur og hefjist handa við fyllingarnar.

Fylling

Þeytið rjómann ásamt flórsykri. Bætið kókosmjöli, maukuðum jarðarberjum, muldu Nóa Kroppi og söxuðu rjómasúkkulaði með Tromp bitum varlega saman við með sleif.

Skerið bollurnar í tvennt, setjið sultu að eigin vali, t.d. jarðarberjasultu, á botninn og svo fyllinguna þar yfir.

Dökkt súkkulaðisíróp

Bræðið suðusúkkulaði, rjóma og síróp saman við vægan hita.

Dýfið efri hlutanum af bollunum í sýrópið og tyllið svo ofan á neðri hlutann með sultunni og rjómanum.

Skraut

Skreytið með muldu Nóa Kroppi og söxuðu rjómasúkkulaði súkkulaði með Tromp bitum.