Vatnsdeigsbollur

Hitið ofninn í 180°C.

Blandið hveiti, lyftidufti og salti saman í skál og leggið til hliðar.

Pískið eggin í skál, vigtið og geymið. Ef eggin eru lítil gæti þurft aðeins meira en 3 egg.

Hitið vatn og smjör saman í potti þar til smjörið bráðnar og leyfið aðeins að sjóða, slökkvið þá á hellunni.

Setjið þurrefnin saman við og hrærið vel þar til „smjörbolla“ myndast.

Færið þá deigið yfir í hrærivélarskálina og hrærið rólega með K-inu þar til mesti hitinn er farinn út því.

Bætið þá eggjunum saman við í nokkrum skömmtum og hrærið áfram saman.

Setjið þá kúfaða matskeið á bökunarpappír fyrir hverja bollu (ég notaði litla ísskeið) og bakið í 30-35 mínútur eða þar til bollurnar verða vel gylltar.

Alls ekki opna ofninn til að kíkja á þær/botninn fyrr en í fyrsta lagi eftir 25 mínútur því þá eru meiri líkur á því að þær falli.

Leyfið bollunum að kólna, skerið þær í sundur og hefjist handa við fyllingarnar.

Fylling

Stífþeytið rjómann, blandið tveimur matskeiðum af ljúffenga súkkulaðikreminu varlega saman við.

Saxið Nóa Kropp og Nóa Perluhnappa og blandið varlega saman við rjómann.

Skerið bollurnar í tvennt og sprautið rjómafyllingunni á milli.

Ljúffengt súkkulaðikrem

Bræðið rjómakúlurnar í rjómanum við vægan hita, dýfið lokunum í súkkulaðikremið og skreytið með söxuðum perluhnöppum.