Bíó kropp botn

Brytjið Bíó kropp í minni bita með því að rúlla kökukefli yfir pokann.

Skammtið síðan í 4 glös og setjið til hliðar.

Súkkulaðibúðingur

Hrærið rjóma, mjólk og eggjarauðum í pott og færið síðan yfir á lágan hita og hrærið stöðugt þar til blandan byrjar að þykkjast smá eða komin upp í 65-70 C.

Takið af hitanum og hellið í gegnum sigti yfir súkkulaði og sjávar salt.

Leyfið að standa í 5 mín.

Hrærið síðan með töfrasprota og hellið í miðlungs skál.

Þeytið eggjahvítur með sykri þar til þær halda forminu sínu en ekki of stífþeytt.

Hrærið eggjahvíturnar saman við í súkkulaði blönduna í 3 skömmtum rosa varlega með sleikju.

Hellið síðan búðingnum yfir bíó kropp botninn og kælið í amk 3 klst eða helst yfir nótt.

Skreytið búðinginn að eigin vild.

Hægt er að skreyta með þeyttum rjóma og hindberjum eins og sést hér.

Berið síðan fram og njótið.