Kveikið á ofninum og stillið á 180°C, undir og yfir hita.

Blandið saman höfrum, hveiti, púðursykri, salti og matarsóda.

Bætið út í olíu og eggjum, hrærið saman.

Bætið út í karamellukurli og súkkulaðirúsínum, hrærið saman.

Smyrjið eldfastmót sem er u.þ.b. 25 x 25 cm og smellið u.þ.b. 2/3 af deiginu í formið.

Skerið eplin í sneiðar og setjið í formið, dreifið restinni af deiginu yfir og bakið í u.þ.b. 25 mín eða þar til hún er byrjuð að gyllast á litinn.

Berið fram með þeyttum rjóma eða vanilluís.