Frönsk súkkulaðikaka

Með gómsætu Pralín karamellukremi og vanillurjóma fyrir 8 - 10

Uppskrift

Fylgdu skrefunum og þá gengur allt eins og í sögu

BOTN
Forhitið ofninn í 180°C.

Þeytið saman sykur og egg þar til blandan verður létt og ljós.

Bræðið saman smjör og súkkulaði við vægan hita.

Blandið hveitinu saman við eggjablönduna, sumir vilja sleppa hveitinu en þá verður kakan sérstaklega blaut.

Bætið súkkulaðiblöndunni varlega saman við í lokin.

Smyrjið bökunarform eða setjið bökunarpappír í botninn á forminu og hellið deiginu í formið.

Bakið kökuna í 30 mínútur.

SÓSA
Saxið pralínsúkkulaði og bræðið saman við smjörið við vægan hita, ekki fara frá pottinum.

Það er mjög auðvelt að brenna þessa góðu blöndu.

Hrærið vel og bætið sírópinu saman við í lokin.

Hellið yfir kökuna.

Þessi sósa er ómótstæðilega góð og það er tilvalið að bera hana fram með fleiri kökum eða ísréttum.

Skreytið kökuna gjarnan með ferskum berjum, það gerir kökuna enn betri.

VANILLURJÓMI
Setjið sykur, vanillu, fræin úr vanillustöng og rjóma í skál og þeytið þar til rjóminn er silkimjúkur.

Berið kökuna fram með vanillurjómanum.

Allt sem þú þarft fyrir þessa uppskrift

BOTN
200 g sykur
4 egg
200 g Síríus suðusúkkulaði
200 g smjör
1 dl hveiti

SÓSA
150 g Síríus Pralín karamellusúkkulaði
70 g smjör
2 msk síróp

VANILLURJÓMI
250 ml rjómi
2 msk sykur
2 tsk vanilludropar
fræ úr einni vanillustöng