MARENGSSTAFUR

Forhitið ofninn í 130°C (blástur).
Stífþeytið eggjahvíturnar. Þegar froða byrjar að myndast í skálinni bætið sykrinum smám saman við ásamt lyftiduftinu og saltinu.
Sprautið marengsblöndunni á pappírsklædda ofnplötu ef útbúa á ákveðið form eins og til dæmis tölustaf eða mótið blönduna að vild með sleif.
Bakið botnana við 130°C í 90 mínútur.
Kælið botnana vel áður en þið setjið rjómafyllinguna á milli og ofan á kökuna.

RJÓMAFYLLING
Saxið rjómasúkkulaði.
Stífþeytið rjóma og jurtarjóma.
Bætið flórsykri, vanillusykri, söxuðu súkkulaði og Nóa Kroppinu saman við rjómann og blandið vel saman með sleif.
Skreytið kökuna með litríkum Síríus súkkulaðiperlum.